Áýlettiń izgilikti jolyn jalǵastyrǵan urpaq - eń mereıli urpaq - QR Prezıdenti
ASTANA. QazAqparat - Áýlettiń izgilikti jolyn jalǵastyrǵan urpaq - eń mereıli urpaq. Bul týraly búgin «Mereıli otbasy» ulttyq baıqaýynyń jeńimpazdaryn marapattaý rásiminde Elbasy Nursultan Nazarbaev aıtty.
«Atadan ul týsa ıgi, ata jolyn qýsa ıgi», - deıdi halqymyz. Áýlettiń izgilikti jolyn jalǵastyrǵan urpaq - eń mereıli urpaq. Búgin bir ǵana otbasy jeńimpaz atanbaıdy. 16 aımaǵymyzda konkýrs ótkizildi 16 áýlettiń qaı-qaısysy da elimizdegi eń mereıli otbasylar, barsha Qazaqstannyń maqtanyshy», - dedi Memleket basshysy.
Sonymen qatar QR Prezıdenti taıaýda ǵana elimizdiń birqatar óńirde saparmen bolǵandyǵyn atap óte kele óńirlerde jańa jumys oryndary ashylyp, halyqtyń turmys-tirshiligi jaqsarǵanyn, tirshiliktiń qaınap jatqan basa aıtty.
«Osynyń barlyǵy eldegi turaqtylyq pen tynyshtyqtyń arqasynda jasalýda. Shańyraqtaǵy jarastyq ta tek qana syılastyq pen tatýlyq arqyly ornaıdy. Qazaqstannyń 2050 jylǵa deıingi Strategııasy aıasynda biz osyndaı otbasylyq qundylyqtardy nyǵaıtý úshin dáripteı túsetin bolamyz. Mereıimiz árdaıym ústem bolsyn. Elimiz damý kóginde jarqyrap jaınaı bersin. Basymyz aman, baýyrymyz bútin bolsyn, aǵaıyn!» - dedi N.Nazarbaev.
