Aýlasyna myńnan astam snarıad jınaǵan er adam jarylystan qaza tapty
ASTANA. QazAqparat - RF Belgorod oblysyndaǵy Prohorovka kentiniń turǵyny úıiniń aýlasynda zilbalǵamen snarıadty bólshektemek bolǵanda jarylyp ketip, qaza tapty.
Oqys oqıǵadan soń jeke úıdiń aýmaǵynan mamandar Ekinshi dúnıejúzilik soǵysy kezindegi 1272 snarıadty tapty, dep habarlaıdy TASS agenttigi BAQ-pen baılanys boıynsha aǵa kómekshi Elena Kozyrevaǵa silteme jasap.
Onyń sózine qaraǵanda, Belgorod oblysynda mundaı qaıǵyly oqıǵalar 10 jyldan beri bolmaǵan.
«Tergeýshiler jurttan er adamnyń osynshama snarıadty qaıdan alǵandyǵy jaıly surastyrýda».
TJM Óńirlik basqarmasynyń habarlaýynsha, barlyq 1272 snarıad syrtqa shyǵarylyp, arnaıy polıgonda joıylǵan.
Prohorovka stansasy men kórshiles Aleksandrovskoe eldi mekeni aýmaǵynda 1943 jylǵy 12 shildede tankiler shaıqasy bolǵan. Oǵan eki jaqtan 1,2 myń tanki men ózdiginen júretin qarý qatysqan.
2017 jyly bul óńirde jarýshy tehnıkter eki myńnan astam soǵys kezinen qalǵan jarylǵysh zattardy, onyń ishinde 10 avıabombany zalasyzdandyrdy.
