Aýlanǵan balyqtyń kesirinen balyqshy o dúnıege attanyp kete jazdady
ASTANA. QazAqparat - Brıtandyq balyqshyny onyń aýzyna sekirip kirip ketken balyqtan soń jedel jansaqtaý bólimine jetkizýge týra keldi, dep habarlaıdy Bı-Bı-Sı.
28 jastaǵy Sem Kvıllıam óziniń sátti balyq aýlaýyna oraı jáne jergilikti dástúr boıynsha alǵashqy aýlanǵan balyqty súıgen. Biraq sol mezette uzyndyǵy 14 santımetrlik kambala tuqymdas teńiz balyǵy qolynan sýsyp shyǵyp ketip, balyqshynyń aýzyna kirip ketti, deıdi onyń janynda bolǵan dosy. Er adam tunshyǵyp, tynysy tarylyp tipti dem ala almaı qalǵan. Jedel járdem qyzmetkerleri kólik ishinde zardap shegýshiniń tamaǵynda turyp qalǵan balyqty qysqashtyń kómegimen sýyryp, ony ajaldan alyp qaldy.
Bul oqys oqıǵa brıtandyq Bornmýt qalasy mańyndaǵy teńiz jaǵasynda ornalasqan Boskomb kýrortty aýmaǵyna bolǵan.
