Aýladaǵy mektep dárethanalary bedeýlikke ushyratýy múmkin
ASTANA. QazAqparat - Mektepterdegi aýla dárethanalary keıinnen jastardyń bedeýligine alyp kelýi múmkin. Bul týraly Senattaǵy «Úzdik densaýlyq saqtaý isi - deni saý ult» taqyrybyndaǵy parlamenttik tyńdaýda «Aman-Saýlyq» qoǵamdyq qorynyń prezıdenti Baqtyly Túmenova málim etti, dep habarlaıdy QazAqparat.
Búginde memleket jasandy uryqtandyrýǵa qarjy bólip jatqanyna toqtalǵan B. Túmenova, osy baǵytta ótken jyly 900 kvota berilse, bıyl taǵy da 900 kvota bólingenin jekizdi. Jasandy uryqtandyrýdyń bir protsedýrasy kem degende 700 myń teńgeni quraıdy. Bul kvotalar jetkiliksiz.
Onyń atap ótýinshe, elimizdegi nekelerdiń 15 paıyzynda bedeýlik máselesi kezdesedi. Sondyqtan bul problemada aldyn alý sharalaryna ekpin qoıý kerek.
«Densaýlyq tek medıtsınalyq qyzmettermen ǵana shektelmeıdi, bul turǵyda tutas áleýmettik-ekonomıkalyq jáne mádenı keshendi sharalar qamtylǵan. Sondyqtan adam densaýlyǵy tek dárigerlerge baılanysty emes. Osy oraıda buǵan densaýlyq saqtaý mınıstrligimen qatar, basqa da memlekettik quryrylymdar jaýapty bolýy tıis. Men osyǵan deıin bedeýlik problemasyna toqtalǵan bolatynmyn. Búginde eresekterde bedeýlik sebebi aborttan ǵana emes, sonymen qatar balalyq shaqta bastan ótkergen jaǵdaılarǵa da baılanysty bolady. Óıtkeni mektepte oqyp júrgen kezde oqýshylar aýladaǵy dárethanaǵa barady. Osyǵan nazar aýdaryp kórińizder, ıaǵnı sýyq tııýdiń nátıjesinde osy jetkinshekter keıinnen keri protsesterdiń saldarynan bedeýlikke ushyraıdy», - dedi ol.
foto:despravda.com
