Aýladaǵy kólikti «aıdap ketken» 3 jasar sábı kórshisiniń úıine zaqym keltirgen
ASTANA. QazAqparat - Amerıkanyń Oregon shtatynyń turǵyny úsh jastaǵy sábı óziniń ápkesiniń djıp kóligimen kórshi úıdiń qabyrǵasyn buzyp ketken, dep habarlaıdy FOX12 Oregon.
Bul kezde balanyń týysqan ápkesi vannada jýynyp jatqan. Aýlada oınap júrgen bala esigi ashyq qalǵan kólikti baıqap, onyń ishine kirip alǵan. Qosymsha iske qosqyshqa qolyn tıgizgende oıys jolda turǵan kólik ot alyp, júrip ketken. Qıylysqa shyqqan mashına kórshisiniń aýlasyna enip ketip, onyń úıiniń qabyrǵasyna soǵylǵan. Jórgekten basqa ústinde lypasy bolmaǵan sábı sol sátte toqtap qalǵan kólikten túsip ketip, úıine oralyp, teledıdardan mýltfılm tamashalaýyn jalǵastyra bergen. Sábıdiń ata-anasy kórshi úıge kelgen shyǵyndy tolyq óteýdi moıyndaryna aldy. Alaıda polıtsııa qyzmetkerleri olarǵa balalaryn durys qaraı almaǵany úshin de aıyp taǵyp otyrǵan kórinedi.
