Aýlada balany mert qylǵan KamAZ júrgizýshisine úkim shyǵaryldy
ASTANA. QazAqparat - Astanada kámelet jasyna tolmaǵan balany qaǵyp ketken qoqys jınaýshy mashınanyń júrgizýshisine úkim shyǵaryldy, dep habarlaıdy «QazAqparat» HAA astanalyq sottyń baspasóz qyzmetine silteme jasap.
«2017 jyldyń tamyz aıynda qoqys jınaýshy KamAZ kóliginiń júrgizýshisi, turǵyn úı aýlasynda júrip jyldamdyqty asyrǵandyqtan, velosıped mingen balany qaǵyp ketken bolatyn. Kámeletke tolmaǵan bala jedel járdem kóliginde kóz jumǵan edi», dep málimdedi baspasóz qyzmeti.
Almaty aýdanynyń №2 soty júk kóliginiń júrgizýshisin QR qylmystyq kodeksiniń 345-baby 2-bóligi boıynsha kináli dep tanyp, ony 2 jyl 1 aıǵa bas bostandyǵynan aıyrý týraly úkim shyǵardy.
