«Aýla kúni» merekelik aktsııasy Astananyń barlyq aýdan turǵyndaryn qamtymaq
ASTANA. 3 shilde. QazAqparat - Astana kúniniń 15 jyldyǵy mereıtoıyna oraı qalalyq jastar saıasatyn qoldaý jónindegi memlekettik qory jastar saıasaty máseleleri basqarmasynyń qoldaýymen qalada «Aýla kúni» aktsııasyn ótkizýde.
«Aktsııa Astana kúnine deıin jalǵasady. Saryarqa aýdanynda osy shara aıasynda merekelik avtokerýenniń sherýi uıymdastyryldy. Bul aýqymdy aktsııanyń negizgi maqsaty - jastar men jasóspirimder arasynda shyǵarmashylyq pen salaýatty ómir saltyn keńinen nasıhattap, úımen úı, aýla men aýla arasynda dostyq qarym-qatynasty nyǵaıtyp, Astananyń 15 jyldyq mereıtoıynda turǵyndardyń kóńil-kúılerin kóterý bolyp tabylady»,-delingen taratylǵan málimette.
Osy oraıda Saryarqa aýdanynyń eńbektegen baladan eńkeıgen kárige deıingi 400-den astam turǵyny baıqaýlar men estafetalarǵa qatysyp, ózderiniń sporttaǵy qabilet-qarymdary men shyǵarmashylyq belsendilikterin tanytty. Turǵyndar men qonaqtardy quttyqtap, ózderiniń iltıpattaryn bildirý úshin Qazaqstannyń jas estrada juldyzdarynyń jáne «Stýdent kóktemi - 2013» aýqymdy festıvali jeńimpazdarynyń qatysýymen kontsertter qoıylyp, sporttyq jarystar ótti. Saıqymazaqtar men ertegi keıipkerleri halyqtyń kóńil-kúıin kóterdi. «Aýla kúni» aktsııasynyń qonaqtary men qatysýshylaryna eskertkish syılyqtar men júldeler tapsyryldy.
Atap aıtqanda, «Aýla kúni» aktsııasynyń sharalary elordanyń Almaty jáne Esil aýdany aýlalarynda de ótýde.
