Aýla klýbtary men orta bilim beretin mekemelerdiń komandalary qatysqan shaıbamen hokkeı boıynsha «Juldyzsha» atty dástúrli jarysy ótti
ASTANA. Jeltoqsannyń 26-sy. QazAqparat. Jeltoqsannyń 12-si men 26-sy aralyǵynda aýla klýbtary men orta bilim beretin mekemelerdiń komandalary qatysqan shaıbamen hokkeı boıynsha «Juldyzsha» atty dástúrli jarysy ótken bolatyn.
Jarys úsh jas kategorııalarynda - 1994, 1995, 1996 jj.t. sportshylar arasynda bir aınalymdy aınalym júıesi boıynsha ótkizilgen-di, dep habarlaıdy QazAqparat Astana qalasy týrızm, dene tárbıesi jáne sport basqarmasynyń baspasóz qyzmetine silteme jasap.
Aqtyq kezeńder 26 jeltoqsan kúni Astana qalasynyń ortalyq muz aıdynynda ótti.
Bul oıyndarǵa Astana qalasy 3 aýdannyń - «Saryarqa», «Almaty» ı «Esil» - qurama komandalary jáne «Barys» HK (BJSM) komandasy qatysty.
Eki saǵattyń ishinde hokkeı áýesqoılardyń nazaryna fınalıstterdiń sońǵy kezdesýleri usynylyp, keıin olardy marapattaý rásimi ótkizildi. Sóıtip, altyn júldelerdi qanjyǵasyna «Barys» HK sportshylary baılaǵan bolatyn. Ekinshi orynda Almaty aýdany ornalassa, qola júldelerdiń ıegeri Saryarqa aýdany dep tanyldy.
«Bul jarystyń arqasynda biz sport túrin damytyp qana qoımaı, balalarǵa aıdynda bar daryndylyǵyn kórsetip, ashylýǵa kómektesemiz, - deıdi jeńimpaz atanǵan komandasynyń klýby - «Barys» HK dırektory Qabdulmájıt Qojahmetov.
«Balalar sportyn damytýǵa baǵyttalǵan jaqsy-jaqsy dástúrlerdi jalǵastyrǵanymyz durys. Sebebi búgingi jastardan hokkeıdiń bolashaq juldyzdary shyǵatyndyǵy ras», dedi ol.
Jarys jeńimpazdary men qatysýshylar kýbok, medaldar jáne dıplomdarmen marapattaldy.
Sonymen qatar, kelesi nomınatsııalar boıynsha jarystyń úzdik hokkeıshileri anyqtaldy:
- shabýylshy - A.Dotsenko,
- qorǵaýshy - A.Prohorov,
- qaqpashy - I. Kankın,
- bombardır - V. Mýravskıı,
- týrnırdiń eń paıdaly sportshysy - A. Ábdiharov.
