Aýqymdy is-shalardy uıymdastyrý maqsatynda jalpy respýblıkalyq ulttyq jospar ázirlenedi - Mádenıet mınıstri

ASTANA. QazAqparat - Bul týraly búgin QR Úkimeti otyrysynyń qorytyndysy boıynsha Ortalyq kommýnıkatsııalar qyzmetindegi brıfıngte Mádenıet mınıstri Arystanbek Muhamedıuly málim etti.

«Búgin Úkimette Memleket basshysynyń Qazaqstan halqy Assambleıasynda bergen tapsyrmasyn oryndaý boıynsha májilis ótti. Otyrys barysynda Mádenıet mınıstrligi Elbasynyń tapsyrmasyn iske asyrý turǵysynda óz ustanymyn usyndy. Atap aıtqanda, Qazaqstan halqy Assambleıasynyń jylyn jáne QR Konstıtýtsııasynyń jıyrma jyldyǵyn ótkizý boıynsha aýqymdy is-shalardy uıymdastyrý maqsatynda Jalpy respýblıkalyq ulttyq jospar ázirlenetin bolady», - dedi mınıstr.

Onyń sózine qaraǵanda, 2015 jylǵa josparlanǵan barsha sharalar Assambleıanyń, Qazaqstannyń Ata Zańynyń 20 jyldyǵy, Uly Otan soǵysy Jeńisiniń 70 jyldyǵy syndy ataýly kúnder aıasynda ótetin bolady.

«Ulttyq jospar el azamattaryn uıymdastyrýdyń jáne ulysaralyq beıbitshilik pen kelisimdi odan ári qaraı nyǵaıtýdyń tetigi bolyp tabylady. Atalǵan jospar tek respýblıkalyq deńgeıdegi sharalardy ǵana emes, sonymen qatar jergilikti deńgeıdegi, ıaǵnı oblys ortalyqtarynda, aýdan, qala jáne aýyldyq jerlerde arnaıy is-sharalardy qamtıtyn bolady», - dedi vedomstvo basshysy.