Aýqymdy tsıfrlyq ózgeristerge qadam basqaly turǵanymyz anyq - Abaev
«Búgin baǵdarlamanyń aldyn ala tanystyrylymy ótti. Memleket basshysy barlyq usynystardy eskere otyryp, ony pysyqtaýdy tapsyrdy. Atap aıtqanda, biz qazirgi kezde aýqymdy tsıfrlyq ózgeristerge qadam basqaly turǵanymyzǵa eshkim de kúmándanbaıdy. Eger de osy úderisten qalmasaq, onda osyndaı baǵdarlamany qabyldaǵan 15 eldiń qatarynda bolamyz. Bul óz kezeginde memleketke qajetti sharalardy úılestirýge, jeke bızneske kómektesýge, tsıfrlandyrý baǵytyn kúsheıtýge kómektesedi. Al tsıfrlandyrý qandaı nátıje beretinin ózderińiz jaqsy bilesizder, ıaǵnı bul baǵytta ashyqtyq, barlyq shyǵyndardy ońtaılandyrý, rásimderdi jedeldetý, qaýipsizdik sekildi negizgi qajettikter qamtamasyz etiledi», - dep toqtaldy mınıstr.
Osy oraıda D. Abaev elimizdiń tsıfrlyq saıasatyn júzege asyrýǵa barlyq salalalar ózderiniń úlesin qosatynyna senimdi ekenin atap ótti.
«Árbir memlekettik organnyń ózindik tsıfrlyq saıasaty bar. Keńes aıasyndaǵy kórmeden baıqaǵanyńyzdaı, «Samuryq-Qazyna» qorynan bastap, QR Bas prokýratýrasyna deıin qajetti jospardy qarastyryp otyr. Ár salada tsıfrlandyrý júrgiziledi, sebebi qarjy men adamnyń ýaqytyn únemdeıtin qajetti baǵyt. Sondyqtan jalpy Úkimet bolyp bul baǵdarlamaǵa kóńil bólemiz degen oıdamyn», - dedi Dáýren Abaev.
Budan buryn habarlanǵandaı, arnalǵan respýblıkalyq keńeste Elbasy Nursultan Nazarbaev Qazaqstandy tsıfrlandyrý jónindegi arnaıy komıssııa qurý kerektigin aıtty.
«Prezıdent janynan arnaıy komıssııa qurý qajet. Jumys organy Premer-Mınıstr men onyń keńsesi bolady. Baǵdarlamany eskertpelerdi qaperge ala otyryp sońyna deıin aıaqtańdar, ony naqtylańdar jáne iske kóshińder. Jyldyń sońyna deıin sizderge ýaqyt beriledi. Kelesi jyldyń 1 qańtarynan jeke ózim aı saıyn baqylaýǵa alatyn bolamyn», - dedi Nursultan Nazarbaev.
