Aýqymdy qurylys jobalaryn muqııat iriktep, qatań baqylaý qajet – Prezıdent
ASTANA. KAZINFORM – Memleket basshysy Qasym-Jomart Toqaev memlekettik basqarý sapasyn tolyq jaqsartyp, iri jobalardyń júzege asyrylýyn qatań baqylaýdy tapsyrdy. Bul týraly Prezıdent Qazaqstan halqyna Joldaýynda aıtty.
Onyń sózinshe, ınfraqurylymdy jańǵyrtý, jappaı tsıfrlandyrý jáne ındýstrııa salasyn damytý úshin bıýdjetten qomaqty qarjy bólinip jatyr. Jeke ınvestıtsııa da tartylýda.
– Osy oraıda, myna máselege nazar aýdarǵym keledi. Aýqymdy qurylys aıasyndaǵy jobalardy muqııat irikteý, senimdi kompanııalarmen jumys isteý jáne bastamany júzege asyrýdyń ár kezeńin jiti baqylaý óte mańyzdy, – dedi Prezıdent.
Bul rette memlekettik apparat osy mindetti kásibı turǵydan múltiksiz oryndaýǵa daıyn bolýy kerek.
Buǵan deıin Prezıdent sharýalardy ınvestıtsııalaıtyn pármendi tásil engizýdi tapsyrǵan edi.
Ol Balqash AES qurylysyn keler jyly bastaýdy usyndy.
Sondaı-aq Q. Toqaev Qazaqstannyń tranzıttik áleýetin synǵa aldy.
