Aýktsıondarǵa qoıylǵan eń qyzyqty juldyzdy lottar
ASTANA. 23 sáýir. QazAqparat - Juldyzdar qarajat jınaý úshin ózderiniń bedeli men joǵary tabystaryn paıdalanyp, qaıyrymdylyq aktsııalary men is-sharalardy jıi uıymdastyrady.
Keıbir juldyzdar lotqa aqylǵa qonymsyz zattaryn shyǵaryp, olar úshin qomaqty aqsha jınap ta alady.
Batystyń belgili adamdary uıymdastyrǵan tańdanarlyq aýktsıondardy atap óteıik.
2008 jyly Skarlett Iohansson The Tonight Show with Jay Leno belgili shoýy barysynda tikeleı efırde qoldanǵan qol oramalyn aýktsıonǵa shyǵaryp, ony 5, 300 myń dollarǵa satqan.
2011 jyly aýktsıondy uıymdastyrýshylar Djon Lennonnyń tisin 31 myń dollarǵa satyp jibergen.
Júıkesi juqaryp júrgen jyldary Brıtnı Spırs paparatsııanyń betine saǵyzyn túkirip jibergen. Fotograf jigit ol saǵyzdy saqtap qoıǵan, al keıin ony 514 dollarǵa satyp, túsken aqshany qaıyrymdylyqqa jumsady.
Djastın Tımberleık N Sync tobynyń múshesi bolǵan jyldary eBay aýktsıonyna tańǵy asynan qalǵan frantsýz tostyn shyǵarǵan. Boızbendtiń fanattarynyń biri bir tilim nan úshin 1, 025 myń dollar bergen.
Al 2002 jyly 115, 120 myń dollarǵa Elvıs Preslıdiń shashyn satyp alýshylar tabyldy.
Sol sııaqty Maıkl Djeksonnyń jasandy shashy úshin aıtarlyqtaı qomaqty aqsha - 72 myń dollar túsirýge múmkin boldy.
2003 jyly belgisiz satyp alýshy Djon Kennedıdiń sholaq shalbary úshin 5 myń dollar bergen kórinedi.
Al kezinde kóptegen erdiń júregin jaýlaǵan Merılın Monronyń keýdeshesin aýktsıonda 4, 480 myń dollarǵa satyp alyp ketken.
