Aýktsıonda Maksım Gorkııdiń Lev Tolstoıǵa jazǵan haty satylmaı qaldy
ASTANA. QazAqparat - Qytaıdaǵy ejelgi aýktsıon úıinde «China Guardian» kúzgi satylym naýqanyn uıymdastyrdy, dep jazady «TASS».
Aýktsıonda 7000 qundy jádiger saýdaǵa shyǵarylǵan. Onyń ishinde kartınalar, farfor buıymdary, kallıgrafııalyq oramdar bar. Uıymdastyrýshylar kollektsııany búkil álemnen jınaǵan. Saýdaǵa shyǵarylǵan sırek kezdesetin dúnıelerdiń ishinde jazýshy Maksım Gorkııdiń Lev Tolstoıǵa jazǵan haty da bolǵan. Alaıda, ol hatty satyp alýǵa eshkim de qyzyǵýshylyq tanytpapty. Esesine, Karl Markstiń aǵylshyn tilshisi Kollet Dobsonǵa jazǵan haty 500 myń dollarǵa satylǵan.
