Aýktsıonda erekshe uıaly telefon nómiri 1,9 mln. dollarǵa satyldy
ASTANA. QazAqparat - Birikken Arab Ámirliginde ótip jatqan aýktsıonda uıaly telefondardyń eksklıýzıvti nómirleri júzdegen myń dollarǵa satylýda, dep habarlaıdy ITAR-TASS.
Alǵashqy saýda sessııasynda sandarynyń basym bóligi qaıtalanatyn birneshe telefon nómirleriniń quny 400 myń emırat dırhamynan (shamamen 100 myń dollardan) asyp ketken.
Al eń qymbat lot 1,9 mln. dollarǵa satyldy. Satyp alýshylardyń biri barlyq sandar qatarynan birdeı bolyp keletin nómir úshin osyndaı somany tóleýge bel býǵan.
Aýktsıondy uıymdastyrýshylar qaýipsizdik sharalaryn saqtaý maqsatynda «altyn» nómir ıesiniń aty-jónin de, onyń ıelengen nómiriniń negizgi sanyn da jarııalamaı otyr.
