Aýktsıonda Cherchılldiń sońǵy kartınasy satyldy
ASTANA. QazAqparat - Ulybrıtanııanyń burynǵy premer-mınıstri Ýınston Cherchıll salǵan sońǵy sýreti Londondaǵy Sotheby's aýktsıonynda 357 myń fýnt sterlıngke (473,6 myń dollar) satyldy, delingen aýktsıon úıiniń habarlamasynda.
Cherchıll «Chartýelldegi altyn balyqtar toǵany» atty týyndysyn qaıtys bolarynan úsh jyl buryn, 1962 jyly aıaqtaıdy. Onda brıtan premeri óziniń «erekshe súıikti ornyn» - Anglııanyń ońtústik-shyǵysynda ornalasqan Kent graftyǵynyń Ýesterhem qalasy mańyndaǵy kózden tasa jerdiń keskinin salǵan, dep habarlaıdy TASS.
Cherchıll ony óziniń oqqaǵary serjant Edmýnd Marrıge syıǵa tartady. Serjant Cherchıllge sýretti salýǵa boıaýlar men qylaýysh daıyndaýǵa kómektesken edi. Sodan beri sýret Marrı otbasynda saqtalyp kelgen.
Týyndynyń aýktsıondaǵy bastapqy baǵasy 50-80 myń fýnt tóńireginde baǵalanǵan bolatyn. Týyndynyń jańa ıesiniń esimi ázirge qupııa kúıinde qalýda.
Foto:© Leon Neal/Getty Images
