Aýktsıonda bolmashy aqshaǵa satylǵan jabyq sandyq XVIII ǵasyrdyń qazynasyna toly bolyp shyqty
ASTANA. QazAqparat - Soltústik Iorkshır graftyǵyndaǵy Mıdlsbro qalasynda Maıkl Gýder, Dennı Oýens jáne Entonı Franchesko ózara birigip Magnum Storage aýktsıonynan jabyq jáshik satyp alǵan.
Lot dostar úshin nebári 260 fýnt sterlıngke tústi. Olar sandyqty ashqan kezde ishinen altyn jáne kúmis, farfor ydystar, buǵan qosa XVIII ǵasyrdaǵy keme jýrnaly, Ekinshi dúnıejúzilik soǵys kezindegi sharap jáne ózge de birneshe ejelgi ydystar shyqty. Endi olar osy qundy zattardy birneshe myń fýnt sterlıngke satýdy josparlap otyr.
Bul qazynanyń naqty quny ázirge belgisiz, biraq dostar bulardan kem degende birneshe myń sterlıng aqsha túsedi dep eseptep otyr.
Aıta ketsek, bássaýdaǵa 16 jabyq konteıner qoıylǵan.
