Aýktsıon tásilimen memlekettik satyp alýdyń nysanasy bolyp tabylatyn taýarlardyń, jumystardyń, kórsetiletin qyzmetterdiń tizbesi bekitildi

QazAqparat qujattyń mátinin taratady.

Qazaqstan Respýblıkasy Úkimetiniń qaýlysy

Astana, Úkimet Úıi 2012 jyldyń 19 naýryzynan №339 buıryq

Aýktsıon tásilimen júzege asyrylatyn memlekettik satyp alýdyń nysanasy bolyp tabylatyn taýarlardyń, jumystardyń, kórsetiletin qyzmetterdiń tizbesin bekitý týraly

«Memlekettik satyp alý týraly» Qazaqstan Respýblıkasynyń 2007 jylǵy 21 shildedegi Zańynyń 13-babynyń 24-1)tarmaqshasyna sáıkes Qazaqstan Respýblıkasynyń Úkimeti qaýly etedi:

1.Qosa berilip otyrǵan aýktsıon tásilimen júzege asyrylatyn memlekettik satyp alýdyń nysanasy bolyp tabylatyn taýarlardyń, jumystardyń, kórsetiletin qyzmetterdiń tizbesi bekitilsin.

2. Osy qaýly alǵashqy resmı jarııalanǵan kúninen bastap qoldanysqa engiziledi.

Qazaqstan Respýblıkasynyń  Premer-Mınıstri K.MÁSІMOV.

Qazaqstan Respýblıkasy  Úkimetiniń 2012 jylǵy 19 naýryzdaǵy  №339 qaýlysymen bekitilgen

Aýktsıon tásilimen júzege asyrylatyn memlekettik satyp alýdyń nysanasy bolyp tabylatyn taýarlardyń, jumystardyń, kórsetiletin qyzmetterdiń tizbesi

1.Aýyl sharýashylyǵy ónimi, ańshylyq kásipshiligi ónimi, ańshylyqqa, jabaıy qus kásipshiligi men ony ósirýge baılanysty tiri janýarlardan, ónimderden jáne qyzmetterden, sondaı-aq ańshylyq ónimi men jabaıy qus kásipshiliginen basqa, aýyl sharýashylyǵy men ańshylyq qyzmetteri.

2. Orman sharýashylyǵy jáne aǵash daıyndaý ónimderi, orman ósirý jáne aǵash daıyndaý úshin kórsetiletin qyzmetter.

3. Balyq aýlaý, balyq pıtomnıkteri men balyq fermalarynyń ónimderi, balyq aýlaýǵa baılanysty kórsetiletin qyzmetter.

4. Taskómir jáne lıgnıt, torf.

5. Shıki munaı jáne tabıǵı gaz, izdestirý jumystarynan basqa, olardy óndirý jóninde kórsetiletin qyzmetter.

6. Metall rýdalary.

7. Tas, saz, qum jáne mıneraldy shıkizattyń basqa da túrleri.

8. Tamaq ónimderi jáne sýsyndar.

9. Temeki buıymdary jáne temeki ónerkásibi ónimderi, basqalar.

10. Toqyma buıymdary.

11. Bala kıimderin qospaǵanda, kıim, teri jáne teriden jasalǵan buıymdar.

12. Bylǵary jáne bylǵarydan jasalǵan buıymdar, qaıys-er buıymdary, aıaq kıim.

13. Jıhazdan basqa, súrek, súrekten jasalǵan buıymdar, tyǵyndar, shyǵyr jáne órimder.

14. Tsellıýloza, qaǵaz, karton jáne olardan jasalatyn buıymdar.

15. Jarnama materıaldary, sýretter, syzbalar, basyp shyǵarylǵan fotosýretter, kádesyı jáne syılyq jıyndarynan (qoıyn dápter jáne jazba kitapshalary), saılaýlar men referendýmdarda daýys berýge arnalǵan bıýlletenderden basqa polıgrafııalyq jáne baspa ónimderi.

16. Koks peshteriniń ónimderi.

17. Munaıdy qaıta óńdeý ónimderi, munaıdy qaıta óndeý gazy men pırolıza, gazdy qaıta óndeý zaýyttarynyń ónimderi.

18. Organıkalyq jáne beıorganıkalyq sıntez ónimderi.

19. Rezeńke jáne plastmassa buıymdary.

20. Shyny sharýashylyq-turmystyq jáne ıntererge arnalǵan buıymdardan, sondaı-aq keramıkalyq qurylystyq emes otqa tózimsiz buıymdardan basqa, metall emes mıneraldy ónimder.

21. Metallýrgııa ónerkásibiniń ónimi.

22. Mashınalar men jabdyqtardan basqa, metaldy qaıta óńdeý ónimderi (ıadrolyq reaktorlardan basqa).

23. Qarý-jaraqtan, oq-dári men olardyń bólshekterinen, halyqtyq-sharýashylyq maqsattaǵy jarylǵysh qondyrǵylar men jarylǵysh zattardan basqa, ózge toptamalarǵa engizilmegen mashınalar men jabdyqtar.

24. Keńselik, býhgalterlik jáne elektrondyq-esepteý tehnıkasy.

25. Basqa toptamalarǵa engizilmegen elektr qozǵaltqyshtary men elektrotehnıkalyq apparatýra.

26. Radıo, teledıdar jáne baılanys úshin jabdyq jáne apparatýra.

27. Medıtsınalyq tehnıka, ólsheý quraldary, foto-jáne kınoapparatýra, saǵattar.

28. Avtomobılder, tirkemeler men jartylaı tirkemeler, avtomobılderge arnalǵan shanaqtar, avtomobılderge arnalǵan bólshekter men kerek-jaraqtar, garaj jabdyǵy.

29. Saýda jáne jolaýshylar kemelerinen, áskerı korablderden, áýe jáne ǵaryshtyq ushý apparattarynan, ushý apparattarynyń jabdyqtary men bólshekterinen basqa, ózge kólik quraldary.

30. Zergerlik buıymdar men olarmen aralas taýarlardan, mýzykalyq aspaptardan, oıyndar men oıynshyqtardan, eńbek protsesin oqytýǵa arnalǵan jabdyqtan, mektep oqý quraldary men jabdyqtarynan, kórkem kásipshilik buıymdarynan, óner týyndylary men kollektsııalaý zattarynan, ekspozıtsııalanǵan kınoplenkalardan, adam, janýarlar shashynan, sıntetıkalyq materıaldardan jáne odan jasalatyn buıymdardan basqa, daıyn buıymdar.

31. Jańa shıkizat retinde paıdalaný úshin jaramdy nysandaǵy qaldyqtar men synyqtar.

32. Tabıǵı sý jáne muz.

33. Tizbesi Qazaqstan Respýblıkasynyń sáýlet, qala qurylysy jáne qurylys qyzmeti týraly zańnamasyna sáıkes belgilenetin tehnıkalyq kúrdeli qurylys obektilerin qospaǵanda (kúrdeli jáne aǵymdy jóndeýdi qosa alǵanda), kúrdeli jáne aǵymdy jóndeýdi qosa alǵanda, qurylys qyzmetterin kórsetý jáne qurylys obektileri.

34. Avtomobılder men mototsıklder saýdasy, olarǵa tehnıkalyq qyzmet kórsetý jáne jóndeý jóninde kórsetiletin qyzmetter.

35. Avtomobılder men mototsıklder saýdasy jóninde kórsetiletin qyzmetterden basqa, kóterme jáne komıssııalyq saýda qyzmetteri.

36. Bólshek saýda jóninde kórsetiletin qyzmetter.

37. Qonaq úıler men meıramhanalardyń qyzmetteri.

38. Temir jol kóligi qyzmetterinen, metropolıten qyzmetterinen, qubyrjoldar arqyly tasymaldaý qyzmetterinen basqa, qurlyqtaǵy kólik qyzmetteri.

39. Sý kóligi qyzmetteri.

40. Kóliktik kómekshi jáne qosymsha qyzmetter, saıahat bıýrosy men týrıstik agenttikterdiń qyzmetterinen, týrısterge kómek kórsetý jónindegi ózge de qyzmetterden basqa, týrızm jáne ekskýrsııa salasyndaǵy qyzmetter.

41. Ulttyq poshta qyzmetterin, elektr baılanys qyzmetterin qospaǵanda, kýrerlik qyzmetter kórsetýden basqa baılanys.

42. Saqtandyrý jáne zeınetaqymen qamsyzdandyrýdan, oblıgatsııalyq qaryzdardy uıymdas­tyrý jóninde kórsetiletin qyzmetterden basqa, qarjy deldaldyǵy boıynsha kórsetiletin qyzmetter.

43. Baǵalaý qyzmetterin qospaǵanda, qarjy deldaldyǵyna qatysty qosalqy bolyp tabylatyn qyzmetter kórsetý.

44. Jyljymaıtyn múlikke baılanysty qyzmetter.

45. Keńselerge arnalǵan uıymdastyrý tehnıkasyna, elektrondyq esepteý mashınalaryna jáne olarmen birlesip paıdalanylatyn perıferııalyq jabdyqqa tehnıkalyq qyzmet kórsetý jáne jóndeý jóninde kórsetiletin qyzmetter.

46. Ǵımaratty jınaý jóninde kórsetiletin qyzmetter.

47. Oraý jóninde kórsetiletin qyzmetter.

48. Káriz, qoqystardy joıý, sanıtarlyq óńdeý jóninde kórsetiletin qyzmetter jáne osyǵan uqsas qyzmetter.

49. Shashtaraz, kosmetıkalyq salondar men emdik kosmetıkalyq uıymdardyń qyzmetterinen, jerleý, kómý jáne krematsııalaýdy uıymdastyrý jóninde kórsetiletin qyzmetterden basqa, turǵyn úı-kommýnaldyq sharýashylyq qyzmetteri.

50. Osy tizbege engizilmegen koksty, munaı men ıadrolyq otyndy qaıta óńdeý ónimderin óndirý qyzmetterinen, jıhaz óndirý qyzmetterinen, jabdyqtarǵa tehnıkalyq qyzmet kórsetý jóninde kórsetiletin qyzmetterden basqa, óndeýshi ónerkásiptiń qyzmetine baılanysty qyzmetter.