Aýqatty qazaqstandyqtar Ystambulda jyljymaıtyn múlik satyp alýda - BAQ

Bul týraly «Ekspress K» gazetindegi «Bıtva za Bosfor» (avtory - Ilıa Gýk) atty maqalada jazyldy.

Jýyrda túrik zańnamasyna engizilgen ózgeristerdiń arqasynda sheteldikterdiń Bosfor buǵazynyń jaǵasynan vılla satyp alýlary jeńildedi.

Jylymaıtyn múlikti qarjylaıtyn Túrik kompanııalary qaýymdastyǵynyń prezıdenti Isık Gokkaıdyń sózine qaraǵanda, Sytambuldaǵy naryq búgingi kúni serpilisti bastap keshirýde. «Qazaqstannyń, Ázirbaıjannyń azamattary men arab elderiniń týmalary Bosforǵa qaraıtyn vıllalardy satyp alýǵa asa qyzyǵýshylyq tanytyp otyr», - dep habarlady túriktiń Hurriyetdailynews.com. aqparattyq agenttigi.

Isık Gokkaıa málim etkendeı, aldaǵy ýaqytta sheteldikterge shamamen 10 myń jyljymaıtyn múlik nysandary satylatyn bolady, olardyń jartysy  - Ystambulda.

- Jyljymaıtyn múlik boıynsha agenttik sheteldik satyp alýshylarmen áriptestik ornatyp, jumys isteýge den qoıady, - deıdi bıznesmen. - Suranys ósken saıyn, turǵyn-úılerdiń de baǵasy qymbattaı túsedi.

Isık Gokkaıa buǵan deıin jylyna shamamen 2 mlrd. dollar tabys ákelgen jyljymaıtyn múlik naryǵy sheteldikterdiń arqasynda odan saıyn arta túsedi degen senimde. Kásipkerdiń sózine qaraǵanda, aldaǵy ýaqytta naryq 5 mlrd. dollarǵa, keıinirek 10 mlrd. dollarǵa deıin ósedi.

Túrikterdiń jyljymaıtyn múlikteriniń baǵasy arzan emes. Bosforǵa qaraıtyn ortasha kólemdegi vıllanyń quny 2-3 mln. eýro turady. Teńizge tikeleı shyǵýǵa múmkindigi jasalǵan vıllanyń quny shamamen 12-16 mln. eýro. Degenmen sheteldikterdi bul baǵa asa tań qaldyrmaıtyn syńaıly.