Aýqatty ınvestorlar shveıtsar bankinen 40 mıllıard dollarǵa deıin alady
ASTANA. 17 qarasha. QazAqparat - Álemde jeke aktıvterdi basqarý kólemi boıynsha ekinshi orynda turatyn shveıtsarııalyq bank UBS bank qupııasy saıasatynyń ózgerýiniń saldarynan sheteldik ınvestorlar nesıe mekemelerinen 15-ten 40 mıllıard shveıtsar frankine deıin (shamamen dollar qunymen birdeı) shyǵaryp alatynyn boljap otyr. Bul týraly The Financial Times gazetine silteme jasaǵan RBK habarlaıdy.
Kórsetilgen soma basqa Eýropa elderinen kelgen sheteldikter úshin, UBS-diń «ofshorly» qorynda saqtalyp jatqan qarjynyń bir úlesin quraıdy. Soǵan qaramastan, ol sarapshylar boljaǵannan az, bank basqarýyndaǵy jalpy aktıvter kóleminiń 1-3 paıyzyn (1,48 trıllıon frank ) ǵana quraıdy.
UBS bank qupııasy boıynsha Shveıtsar úkimetiniń isinen keıin shyǵyn bolýy múmkin soma týraly málimdegen alǵashqy shveıtsar banki boldy. Nesıe mekemeleri bir ýaqytta aıtarlyqtaı shyǵynǵa batatynyna qaramastan, bul qadam bank qupııasyn aldaǵy ýaqytta shetel úkimeti tarapynan bolatyn qysymnan qorǵaıdy dep kútilýde.
