Aýyr júk kólikterine qoıylǵan shekteý qurylysqa qalaı áser etedi

ASTANA. KAZINFORM — Elimizde aýyr júk kólikterine qoıylǵan shekteý qurylys salasyna keri áser etip jatyr.

— Másele mynada: búginde 10 tekshe metrlik beton tasymaldaıtyn mıkserlerdi, ıaǵnı avtobeton aralastyrǵyshtardy paıdalanýǵa jáne tasymaldaýǵa is júzinde tyıym salatyn talaptar bar. Sonymen qatar, oske túsetin júktemesi joǵary kólikterdi qoldanýǵa da shekteýler engizilgen. Elektrondy salmaq ólsheý júıeleri engizilgennen keıin Astana qalasynda keıbir materıaldardyń quny eki-úsh esege deıin qymbattady, — deıdi «Atameken» kásipkerler palatasy «Qurylys jáne jer qatynastary» salalyq keńesiniń tóraǵasy Vıacheslav Lazarov.

Spıkerdiń aıtýynsha, bul qurylys qunyna áser etýi múmkin.

— Betonnyń baǵasy, beton tasymaldaý quny jáne iri júk kólikterin paıdalaný shyǵyndary da birneshe ese artty. Beton — kez kelgen qurylysta negizgi materıal, onyń qymbattaýy jalpy smetalyq qundy arttyrady. Bul neni bildiredi? Aldyńǵy jyldarmen salystyrǵanda qurylys jumystarynyń qarqyny báseńdeýi ábden múmkin, — deıdi maman.

Aıta keteıik, elimizde sońǵy 11 aıda 1 mlrd 764 mln jolaýshy tasymaldanǵan.