Aýyr qylmys jasady dep kúdik keltirilgen adam Grýzııadan ekstradıtsııalandy
ASTANA. KAZINFORM - Bas prokýratýra men Interpoldyń Ulttyq ortalyq bıýrosynyń qyzmetkerleri Qazaqstan Syrtqy ister mınıstrliginiń kómegimen aýyr qylmystarǵa qatysy bar Reseı azamatyn Grýzııadan ekstradıtsııalady.
Bas prokýratýrasy baspasóz qyzmetiniń habarlaýynsha, ol 2022 jyly Almatyda azamattardy urlaýǵa jáne olardyń múlikterin kúshtep tartyp alýǵa qatysty degen kúdikke ilindi.
Qaskúnem úsh jyldan astam ýaqyt boıy jasyrynyp, halyqaralyq izdeýde bolǵan.
Bıylǵy qyrkúıekte ol Grýzııada ustalyp, Bas prokýratýranyń suraýy boıynsha Qazaqstanǵa ekstradıtsııalandy.
- Qazir kúdikti ýaqytsha ustaý ızolıatoryna qamaldy. Aıyptalǵan qylmystardy jasaǵany úshin múlki tárkilenip, jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵan,-delingen habarlamada.
Osyǵan deıin memleketke 1,3 mlrd teńge zalal keltirgen kúdikti de Grýzııadan ekstradıtsııalanǵanyn habarladyq.