Aýyr atletıkadan álem chempıonatynda Qazaqstan medaldar sany jóninen úzdik úshtikke ilikti

ASTANA. KAZINFORM — Aýyr atletıkadan Manama (Bahreın) qalasynda erler jáne áıelder arasynda álem chempıonaty máresine jetti.

Sportty damytý dırektsııasynyń baspasóz qyzmetinen málim etkenindeı, qazaqstandyq atletter atalmysh dodada 2 altyn, 1 kúmis medal jeńip aldy.

Araǵa 10 jyl salyp, 96 kelide Nurǵısa Ádiletuly úzdik shyqty.

Arada 9 jyl ótkende, 102 kelide Artem Antropov top jardy.

Al Alekseı Chýrkın óz mansabynda ekinshi ret álem chempıonatynyń júldesin ıelendi.

Barlyǵy 92 memleket qatysqan básekeniń jalpy júlde kestesi:

1.Soltústik Koreıa - 9 altyn,5 kúmis,2 qola,
2.Qytaı - 4 altyn, 2 kúmis, 3 qola,
3.Qazaqstan - 2 altyn,1 kúmis.

Buǵan deıin 1993 jyldan beri qazaqstandyq sportshylar álem chempıonatynda 7 altyn, 9 kúmis, 8 qola medalǵa qol jetkizgen.

1993 jyl — 1 qola
(91 keli — Anatolıı Hrapatyı),

1995 jyl — 2 qola,

1997 jyl — 1 qola,

2005 jyl — 1 altyn
(85 keli — Ilıa Ilın),

2006 jyl — 1 altyn
(94 keli — Ilıa Ilın),

2009 jyl — 3 altyn, 1 qola
(53 keli — Zúlfııa Chınshanlo, 63 keli — Maııa Maneza, 75 keli — Svetlana Podobedova),

2010 jyl — 2 altyn
(63 keli — Maııa Maneza, 75 keli — Svetlana Podobedova),

2011 jyl — 2 altyn, 2 kúmis
(94 keli — Ilıa Ilın, 53 keli — Zúlfııa Chınshanlo),

2013 jyl — 1 kúmis,

2014 jyl — 3 altyn, 1 kúmis, 1 qola
(94 keli — Jasulan Qydyrbaev, 105 keli — Ilıa Ilın, 53 keli — Zúlfııa Chınshanlo),

2015 jyl — 2 altyn, 1 kúmis, 1 qola
(77 keli — Nıdjat Rahımov, 105 keli — Aleksandr Zaıchıkov),

2018 jyl — 1 kúmis, 2 qola,

2019 jyl — 1 kúmis,

2021 jyl — 1 altyn
(55 keli — Arlı Chonteı),

2022 jyl — 1 kúmis, 1 qola,

2024 jyl - 2 altyn, 1 kúmis.

Eske sala keteıik, budan buryn qazaqstandyq aýyr atlet Artem Antropovtyń álem chempıony atanǵanyn jazǵan edik.