Alekseı Chýrkın aýyr atletıkadan álem rekordyn jańartyp, Azıadanyń kúmis júldegeri atandy
ASTANA. KAZINFORM - Japonııanyń Aıchı prefektýrasynda HH jazǵy Azııa oıyndary aıasynda aýyr atletıkadan 85 kelide júlde sarapqa salyndy, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erler arasynda 85 keli salmaqta synǵa túsken otandasymyz alǵashqy julqa kóterý jattyǵýynda-aq 173 kelini baǵyndyryp, jańa álem rekordyn ornatty. Serpe kóterýde otandasymyz 206 kelini kóterip, qossaıysta 378 kelimen ekinshi orynǵa turaqtady.
Kvang Rıol Ro (Soltústik Koreıa) - 379 keli (165+214)
Alekseı Chýrkın - 378 keli (173+205)
Shýnnan Chen (Qytaı) - 374 keli (163+211)
Aıta keteıik, bul aýyr atletıkadan el qorjynyna túsken ekinshi júlde. Keshegi jarys kúninde 77 kelidegi Aıanat Jumaǵalı kúmis júldege ıe bolǵan edi.
