Aýyr atletıka: Aıanat Jumaǵalı el rekordyn 7 márte jańartty
ASTANA. KAZINFORM - Taldyqorǵan qalasyndaǵy el chempıonatynyń tórtinshi kúninde áıelder arasynda 77 keliniń jeńimpazy anyqtaldy. Bul týraly Sportty damytý dırektsııasy jazdy.
Bul salmaqta Aıanat Jumaǵalı qarsylastaryna esh múmkindik bermeı, julqa, serpe kóterý jáne qossaıysta rekordtardy birneshe márte jańartty.
77 keli
Aıanat Jumaǵalı (Almaty q) - 242 keli (106+140)
Margarıta Ermakova (Jetisý obl) - 220 keli (95+125)
Vıktorııa Zaharchenko (Qostanaı obl) - 190 keli (85+105)
– Búgingi jarysqa arnaıy otbasym kelip, qoldaý tanytty. Sonyń arqasynda jigerlenip, úzdik shyqtym. Barlyq derlik maqsatym oryndaldy dese bolady. Áttegen-aı deıtin tusym, julqa kóterýde 110 kelini kótere almaı qaldym. 2025 jyly men qossaıystyń qorytyndysynda 219 kelini baǵyndyryp edim. Biraq ol sátte men halyqaralyq jarystan keıin el birinshiligine qatysyp, barymdy salmaǵan edim. Al 2026 jyly osy jerge maqsatty túrde daıyndaldym, - dedi Aıanat Jumaǵalı.
2025 jyldaǵy el chempıonatynyń kórsetkishi:
1. Aıǵanym Janbolat (Almaty obl) - 228 keli (103+125).
2. Aıanat Jumaǵalı (Almaty q) - 219 keli (98+121).
3. Tatıana Tıýtına (Qostanaı obl) - 187 keli (82+105).
Aıta keteıik, aýyr atletıkadan Taldyqorǵan qalasynda el chempıonatynyń besinshi kúninde áıelder arasyndaǵy báseke máresine jetti.
