Aýyr atletıka: Aleksandr Ývarov Azııa chempıonatynyń qola júldegeri atandy
ASTANA. KAZINFORM - Úndistannyń Gandınagar qalasynda ótip jatqan aýyr atletıkadan eresekter arasyndaǵy Azııa chempıonatynda Qazaqstan qorjynyna alǵashqy júlde tústi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erler arasynda -88 kg deıingi salmaqtaǵy otandasymyz Aleksandr Ývarov julqa kóterý saıysynda 165 kg ziltemirdi kóterip, 3-oryn aldy. Bul oǵan óz kezeginde osy synnyń qola medalin ıelenýge múmkindik berdi.
Osydan keıin Ulttyq qurama sportshysy serpe kóterý baǵdarlamasynda 200 kg kórsetkishpen 4-satydan kórindi. Al jalpy esepte Aleksandr 365 kg (165+200) nátıjemen 5-oryn aldy.
Osy salmaqta taǵy bir otandasymyz Álibek Rahymberdi 9-satyda.
Bul – Qazaqstan komandasynyń osy sary qurlyq básekesindegi birinshi júldesi.
Jarys 18 mamyrda máresine jetedi. Endi Meıram Sultan (111 kg) el namysyn qorǵaıdy.
Aıta keteıik, Edige Emberdi rekord jańartyp, Qazaqstan chempıony atandy.
Aıanat Jumaǵalı el rekordyn 7 márte jańartty.
