Aýyr atlet Beıbarys Erseıit jasóspirimder arasyndaǵy álem chempıonatynda top jardy

ASTANA. KAZINFORM – Aýyr atletıkadan Perý astanasy Lımada ótip jatqan jasóspirimder arasyndaǵy álem chempıonatynda Qazaqstan quramasynyń ókili Beıbarys Erseıit jeńis tuǵyryna kóterildi. 

Otandasymyz 61 kelige deıingi salmaq dárejesinde altyn medal jeńip aldy.

Qossaıystyń jalpy esebinde qazaqstandyq ziltemirshi 262 kelini (117+145) eńserdi. 

Kúmis júlde túrkııalyq sportshy Ramazan Iylmazǵa buıyrdy – 261 keli (108+153). Al úzdik úshtik reseılik Abýbakar Tsakaevtyń enshisine jazyldy – 252 keli (113+139).

Eske sala keteıik, buǵan deıin Qazaqstan quramasy ártistik júzýden Kanadada ótetin álem kýbogy kezeńine qatysatynyn habarlaǵan edik.