Aýyr atlet Aqjol Qurmanbek jasóspirimder arasynda Azııa chempıonatynda top jardy
ASTANA. KAZINFORM — Ózbekstannyń Tashkent qalasynda aýyr atletıkadan jas jetkinshekter men jasóspirimder arasynda Azııa chempıonaty jalǵasyp jatyr.
Qazaqstandyq aýyr atlet Aqjol Qurmanbek jasóspirimder arasynda 85 kelige deıingi salmaqta altyn medal jeńip aldy. Otandasymyz qossaıystyń qorytyndysy boıynsha 358 (160+198) kelini eńserdi.
Sondaı-aq dál osy salmaqta Erasyl Sáýlebekov 351 (154+197) kelini kóterip, qola júldeger atandy.
Al kúmis júldeni ózbekstandyq Hıkmatıllo Haıdarov jeńip aldy — 357 (161+196) keli.
Eske salaıyq, buǵan deıin Tórehan Asanhan aýyr atletıkadan Azııa chempıonatynda kúmis júldege ıe bolǵanyn habarlaǵanbyz.
