Aýylsharýashylyq taýar óndirýshiler QQS-tan tolyq bosatylmaıtyn boldy

ASTANA. KAZINFORM – Aýylsharýashylyq taýar óndirýshilerge QQS salý saıasaty ózgerissiz qalady. Májiliste Salyq kodeksiniń jańa redaktsııasyn tanystyrǵan Premer-mınıstrdiń orynbasary – Ulttyq ekonomıka mınıstri Serik Jumanǵarın osyndaı málimet aıtty.

- Arnaýly salyq rejımi boıynsha ruqsat etilgen tizim emes, tyıym salynǵan tizim engiziledi. Tyıym salynbaǵannyń bárine ruqsat etiledi. Aýyl sharýashylyǵy taýaryn óndirýshiler boıynsha QQS saıasatyn sol kúıinde qaldyramyz. ıAǵnı, 70% jeńildik qalady, - dedi ol.

Vıtse-premer óńdeý ónerkásibine korporatıvtik tabys salyǵynyń mólsherlemesi 20% bolatynyn da aıtty.

- Biz salyqtardy, tólemder men alymdardy qysqartamyz. 12 salyqtyń ornyna 11 bolady. 10 tólemniń ishinen jarnama ornalastyrǵany jáne lıtsenzııalardy paıdalanǵany úshin alynatyn tólemder alynyp tastalady. 3 tólemdi biriktirý usynylady: sý resýrstaryn paıdalaný úshin, ormandy paıdalaný úshin jáne janýarlar dúnıesin paıdalaný úshin tólemder. Tabıǵı resýrstardy paıdalanǵany úshin tólem bolady. Bul tólemderdegi mólsherlemeler sany 77-ge qysqarady, - dedi Serik Jumanǵarın.

Sondaı-aq alymdardyń 6 túrin qysqartý usynylyp otyr. Alym mólsherlemeleriniń 34 túri alynyp tastalmaq.

- Sonymen qatar memlekettik bajdyń 5 túri alynyp tastalady, olar boıynsha mólsherlemeler 51-ge qysqarady, - dedi mınıstr.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.