Aýylǵa jumys isteýge barǵan ІT-mamanǵa qandaı áleýmettik qoldaý kórsetiledi
ASTANA. KAZINFORM — Aýylǵa jumys isteýge barǵany úshin memleket tarapynan áleýmettik qoldaý sharalaryn alýshylar tizimi tsıfrlyq tehnologııalar jáne arhıv isi salasyndaǵy mamandarmen tolyqty.
Ulttyq ekonomıka mınıstri buıryǵymen engizilgen ózgeristerge sáıkes endi aýyldyq eldimekenderge jumys isteýge jáne turýǵa kelgen nemese oqýdan oralǵan tsıfrlyq tehnologııalar jáne arhıv isi salasyndaǵy mamandarǵa memleket tarapynan mynadaı áleýmettik qoldaý sharasy kórsetiledi:
— 100 eselengen AEK mólsherinde kóterme járdemaqy;
— turǵyn úı satyp alý nemese salýǵa aýdannyń ákimshilik ortalyǵyna 2 500 AEK, al aýyldyq eldi mekenge 2 000 AEK mólsherinde bıýdjettik kredıt.
Bıýdjettik kredıt túrindegi áleýmettik qoldaýdy jaqyn týystan turǵyn úı satyp alýǵa paıdalanýǵa bolmaıdy. Maman jubaıynan, ata-anasynan, atasy men ájesinen, balalarynan, aǵa-inileri men apa-qaryndastarynan úı satyp alý úshin bul kredıtti ala almaıdy.
Sondaı-aq azamattyń ózi turaqty turyp jatqan turǵyn úıdi satyp alýǵa da bıýdjettik kredıt berilmeıdi.
Turǵyn úı satyp alýǵa nemese salýǵa beriletin mundaı áleýmettik qoldaý erli-zaıyptylardyń bireýine ǵana usynylady.
Buǵan deıin «Dıplommen aýylǵa» baǵdarlamasyna jańa mamandyqtar qosylǵanyn jazǵan edik.
