«Aýylǵa pýtevka alyp ketemiz be»: Sherzat isi boıynsha kýáger kúdiktiden estigenin aıtty

TALDYQORǴAN. KAZINFORM – Taldyqorǵan qalasynda ótip jatqan Sherzat Polattyń ólimine qatysty sot otyrysynda kýálik bergen Dana Jaqsygeldi kúdiktilerdiń kólik ishindegi áńgimesin aıtyp berdi.

– Biz «777» dúkeninen shyqqannan keıin kólikke otyryp, Talǵar qalasynan shyǵyp kettik. Sol kezde Nurqııas telefon arqyly bireýlerdi shaqyryp jatty. Sodan keıin bireýi qaljyńdap «aýylǵa pýtevka alyp ketemiz be» dep aıtty, – dedi Dana Jaqsygeldi.

Sondaı-aq, kýáger ketip qalýǵa múmkindik bolǵanyn, alaıda qoryqqanyn jetkizdi. 

Osyǵan deıin Dana Jaqsygeldi myltyq pen pyshaq týraly aıtqan bolatyn. 

Buǵan deıin sotta Sherzattyń ákesi Qarjaýbaı Nurymov ol kıkiljiń qalaı bastalǵanyn aıtqan edi. 

Sondaı-aq Qarjaýbaı Nurymov Sherzattyń qashan jan tapsyrǵanyn aıtty. 

Sherzattyń anasy Gúlbara Beıshembıeva da qaıǵyly oqıǵa qalaı bolǵanyn eske aldy. 

Eske salaıyq, prokýror oqıǵanyń tolyq hronologııasyn baıandady. 

Aıyptalýshylardyń kópshiligi kináni moıyndaǵan joq. 

Byltyr 4 qazan kúni tóbelesten 16 jastaǵy jasópirim qaıtys bolǵanyn jazǵan edik. 
2024 jyldyń 12 qazanynda qara jamylǵan otbasynyń úıi órtenip ketti. Almaty oblysynyń

Polıtsııa departamenti bótenniń múlkin qasaqana joıý faktisi boıynsha is qozǵady. 

2024 jyldyń jeltoqsan aıynda Talǵar mańynda Sherzat Polattyń aǵasy óli tabyldy. 

Bıyl aqpan aıynda Sherzat isine qatysty qylmysty tergeý aıaqtaldy. Qylmystyq is 62 tomnan turady. Tergeý barysynda 40 sot saraptamasy júrgizilip, shamamen 200 kýágerden jaýap alynǵan.