Aýyldyq jerde jumys istegeni úshin 25% ústemeaqy tóleý taǵy 1 jylǵa uzartylady
ASTANA. KAZINFORM – Bul ózgeris azamattyq qyzmetshilerge, memlekettik bıýdjetten qarjylandyrylatyn uıymdar men qazynalyq kásiporyndar qyzmetkerlerine qatysty. Úkimettiń qaýly jobasy Ashyq normatıvtik-quqyqtyq aktiler portalynda jarııalandy.
– Aýyldyq eldimeken sanatynan qaıta qurylǵan Alataý qalasynyń densaýlyq saqtaý, áleýmettik qamsyzdandyrý, bilim berý, mádenıet, sport, veterınarııa, orman sharýashylyǵy jáne erekshe qorǵalatyn tabıǵı aýmaqtar salasyndaǵy mamandarǵa laýazymdyq aılyqaqydan 25% mólsherinde ýaqytsha belgilengen aýyldyq qosymsha aqylardy taǵy bir jylǵa saqtaý, – dep kórsetilgen jobanyń maqsaty qujatta.
Demek, bul ózgeris Alataý qalasyna arnalady.
Eske salaıyq Almaty oblysy Іle aýdanyndaǵy Jetigen aýyly 2024 jyldyń qańtar aıynda Memleket basshysynyń Jarlyǵymen oblystyq mańyzy bar qala sanatyna jatqyzylyp, onyń ataýy Alataý qalasy bolyp ózgertildi.
Al atalǵan qaýly jobasy portalda 13 sáýirge deıin talqylanady.
