Aýyldardaǵy jumyssyzdar sany qansha
ASTANA. KAZINFORM — Elimizdiń aýyldaryndaǵy resmı jumyssyzdardyń sany 162,3 myń adamdy quraıdy. Bul týraly Májilis depýtattarynyń saýalyna Premer-mınıstrdiń orynbasary Mádenıet jáne aqparat mınıstri Aıda Balaevanyń jaýabynda aıtylǵan.
— Ulttyq statıstıka bıýrosynyń málimetine sáıkes, 2025 jylǵy 4 toqsanda aýyldarda jumys kúshiniń sany 3,6 mln adam boldy, onyń ishinde 3,4 mln — jumyspen qamtylǵan halyq jáne 1,1 mln — ózin-ózi jumyspen qamtyǵan aýyl turǵyndary. Aýyldarda resmı jumyssyzdardyń sany 162,3 myń adam. Jumyssyzdyq deńgeıi jumys kúshine shaqqanda 4,6 paıyz mólsherinde qalyptasty, — dedi Aıda Balaeva.
Vıtse-premerdiń dereginshe, 2025 jyly aýyldarda 174,7 myń adam jumyspen qamtýǵa járdemdesýdiń belsendi sharalaryna tartyldy. Onyń ishinde:
— 107,2 myń adam sýbsıdııalanatyn jumys oryndaryna ornalasty;
— 28,9 myń adam «Bastaý Bıznes» jobasy boıynsha kásipkerlik negizderine oqytyldy;
— 28,2 myń adam eńbek naryǵynda suranysqa ıe kásipter boıynsha onlaın oqýmen qamtamasyz etildi;
— halyqtyń áleýmettik osal toptaryna jatatyn 5,6 myń adamǵa jańa bıznesıdeıany iske asyrýǵa 400 AEK mólsherinde granttar berildi;
— 4,8 myń adam jumys berýshilerdiń ótinimderi boıynsha qysqa merzimdi kásiptik oqytýǵa jiberildi.
Buǵan deıin Shyǵys Qazaqstan oblysynda jastar arasyndaǵy jumyssyzdyq artqanyn jazǵan edik.