Aýyldarda 130 sport zaly salynyp jatyr – Sport mınıstri

ASTANA. KAZINFORM — Aýyldarda 130 sport zaly salynyp jatyr. Bul týraly Úkimet otyrysynda Sport jáne týrızm mınıstri Erbol Myrzabosynov aıtty.

- Aýyldyq sporttyq ınfraqurylymdy damytýda «Qazaqstan halqyna» qoǵamdyq qory mańyzdy ról atqarady. «Aýylda sporttyq ınfraqurylymdy damytýǵa járdemdesý» jobasy aıasynda 12 óńirde angar úlgisindegi 23 modýldik sport zaly jyldyń sońyna deıin salynady. «Balalar sport zaldary» jobasy boıynsha 130 sport zaly salynyp, qajetti quraldarmen jabdyqtaldy. Prezıdenttiń tapsyrmasyna sáıkes, ákimdiktermen birlesip, jekemenshik balalardy damytý ortalyqtarynyń tájirıbesi barlyq óńirge taratylýda, - dedi mınıstr.

Onyń dereginshe, qazirgi ýaqytta Qosshy qalasynda kópbeıindi komıýnıtı-ortalyq, Pavlodarda «Alash Club» jeke oqý ortalyǵy, Qaraǵandyda «Apex Education Center», Almatyda «Oqýshylar saraıy» paıdalanýǵa berildi.

- Mınıstrlik múddeli memlekettik organdarmen birlesip, jeke ınvestıtsııalar men memlekettik-jekeshelik áriptestik arqyly jobalardy keńeıtý jónindegi jol kartasyn bekitti, - dedi ol.

Onyń dereginshe, elimizdiń óńirlerinde 14 jańa stadıon salý qajet.