Aýyldaǵy veterınardyń jalaqysy ósedi — AShM
ASTANA. KAZINFORM — Aýyldaǵy veterınardyń jalaqysy 400 myń teńgeden asatyn bolady. Bul týraly Aýyl sharýashylyǵy vıtse-mınıstri Amanǵalı Berdalın málim etti.
Aıta keteıik, Respýblıkalyq bıýdjet komıssııasy veterınarııa mamandarynyń jalaqysyn kóterý úshin 22 mlrd teńge kóleminde qarjylandyrýdy qoldady.
— Bıyl veterınarııaǵa qatysty zań jobasyn Parlament Májilisine engizýimiz kerek. Onda tıisti ózgerister qamtylady. Jalpy, Respýblıkalyq bıýdjetten 22 mlrd teńgege qoldaý aldyq. Sondyqtan 2027 jyldan bastap tólem bolady dep josparlap otyrmyz, — dedi A. Berdalın Senatta veterınarııalyq qyzmet taqyrybyn talqylaýǵa arnalǵan Úkimet saǵatynan keıin tilshiler suraǵyna jaýap bere otyryp.
Osy oraıda ol 2027 jyldyń qańtarynan aýyldaǵy veterınarııa mamandary 400 myń teńgeden astam jalaqy alatynyn rastady.
Budan buryn habarlanǵandaı, vıtse-mınıstr «veterınarııa» mamandyǵyndaǵy stýdentterdiń stıpendııasy kóterý taqyryby pysyqtalyp jatqanyn aıtty.