Aýyl turǵyndarynan negizsiz tólemaqy alǵan Pavlodar-Vodokanalǵa aıyppul salyndy

PAVLODAR. KAZINFORM - «Pavlodar-Vodokanalǵa» JShS Kenjekól aýyly turǵyndaryn sýmen jabdyqtaý barysynda negizsiz tólemaqylar engizip, zańsyz tabys kórgen.

Pavlodar qalasynyń Kenjekól aýyly turǵyndary sýmen jabdyqtaý júıesine qosylǵan kezdegi esepteýlerdiń zańdylyǵyn anyqtaý berýdi surap, QR Ulttyq ekonomıka mınıstrligi Tabıǵı monopolııalardy retteý komıtetiniń Pavlodar oblysy boıynsha departamentine júgingen. Oǵan sáıkes mekeme «Pavlodar-Vodokanal» JShS-niń qyzmetine jospardan tys tekserý júrgizgen.

- Tekserý nátıjesinde «Tabıǵı monopolııalar týraly» Zańnyń 24-baby 10-tarmaǵynyń 3)- tarmaqshasynyń buzylýy, atap aıtqanda, sý qubyrynyń syrtqy jelilerine tehnıkalyq qyzmet kórsetýge aqy tóleý túrinde qosymsha talaptar qoıyp, olardy naqty oryndamaı, tutynýshylardyń rettelip kórsetiletin sýmen jabdyqtaý qyzmetine qol jetkizýin shekteý anyqtaldy. «Pavlodar-Vodokanal» JShS-ne QR «Ákimshilik quqyq buzýshylyq týraly» Kodeksiniń 164-babynyń 5-bóligi boıynsha ákimshilik aıyppul salynyp, ákimshilik is qozǵaldy,-dep habarlady Tabıǵı monopolııalardy retteý komıtetiniń Pavlodar oblysy boıynsha departamentinen.

Departament «Pavlodar-Vodokanal» JShS atyna Kenjekól aýylynyń tutynýshylary úshin retteletin sýmen jabdyqtaý qyzmetine qol jetkizýdi qamtamasyz etý, sondaı-aq negizsiz alynǵan tabysty qaıtarý týraly nusqama engizdi.

Eske sala keteııik, Pavlodarda qoqysty suryptap jınaǵan turǵyndar kommýnaldyq qyzmetke az tóleýi múmkin.