Aýyl turǵyndary Prezıdent Joldaýyna qoldaý bildirdi

TEREKTІ. KAZINFORM – Quryltaı depýtaty Snejanna Imasheva, Ulttyq ekonomıka vıtse-mınıstri Baýyrjan Omarbekov, Energetıka vıtse-mınıstri Qaıyrhan Tutqyshbaev óńirge jumys sapary aıasynda Terekti aýdanynyń turǵyndarymen kezdesip, Prezıdent Qasym-Jomart Toqaevtyń «Jańa tarıhı kezeńdegi Qazaqstannyń ózekti mindetteri» atty Joldaýynyń negizgi basymdyqtaryn túsindirdi. 

qoldaý
Foto: BQO ákimdigi

Basqosýǵa Qazaqstan Halyq keńesiniń múshesi Murat Muqaev, aýdan ákimi Álııa Muhanbetjanova, eńbek ardagerleri, túrli sala qyzmetkerleri jáne jastar qatysty.

Kezdesýde Joldaý júktegen mindetter – tsıfrlyq ekonomıka qurý, ınvestıtsııa tartý, kásipkerlikti damytý, energetıkalyq qaýipsizdikti qamtamasyz etý jáne óńirlerdiń ekonomıkalyq áleýetin arttyrý máseleleri talqylandy.

Imasheva
Foto: BQO ákimdigi

Sondaı-aq «Halyqtyq qurylys» baǵdarlamasy aıasynda óńirlik ınfraqurylymdy damytý, otandyq ónimder jáne jergilikti qamtý úlesin arttyrý máselelerine erekshe nazar aýdaryldy.

y
Foto: BQO ákimdigi

Spıkerler óz salalary boıynsha atqarylyp jatqan jumystar men aldaǵy josparlardy tanystyrdy. Delegatsııa músheleri qatysýshylardyń saýaldaryna jaýap berip, ózara pikir almasty. 

v
Foto: BQO ákimdigi

Aýdan turǵyndary BAQ quraldary men áleýmettik jeliler arqyly Prezıdent Joldaýynan habardar bolǵanyn aıtyp, baǵdarlamalyq qujattaǵy bastamalardy qoldaıtynyn jetkizdi.

v
Foto: BQO ákimdigi
v
Foto: BQO ákimdigi