Aýyl turǵyndary depýtatqa aýyzsýǵa qatysty shaǵymyn aıtty
ALMATY. KAZINFORM – Almaty oblysynyń Turar aýylyna jumys saparymen barǵan Májilis depýtaty Erjan Beısenbaevqa jergilikti turǵyndar aýyzsýdyń joqtyǵyn aıtyp, shaǵymdandy.
Almaty oblysynan 40 shaqyrym jerde ornalasqan Qarasaı aýdanyndaǵy Turar aýylynda taza aýyzsý máselesi uzaq ýaqyttan beri sheshilmeı keledi. Belsendilerdiń aıtýynsha, jańa qubyr birneshe jyl buryn júrgizilgen. Biraq sýdy tikeleı turǵyn úılerge jetkizý úshin jańa merdiger turǵyndardyń ózderinen aqsha suraǵan.
Jaz maýsymy bastalǵanda bul máseleni «Aq jol» partııasynyń Almaty fılıalynyń basshysy Meırash Shynasılov birneshe márte kótergen edi. Depýtattyń aıtýynsha, barlyq úı aýyzsýǵa tegin qol jetkize alady.
«Bul másele memlekettiń baqylaýyna alynady. Turǵyndar úshin ákimdikke ótinim berip, kezekke turyp, kútý qajet bolady. Eshkimge eshteńe tóleýdiń qajeti joq. Bul – tek ýaqyt máselesi», – dedi májilismen.
Kezdesý barysynda Erjan Beısenbaev odan ári jóndeýdi qajet etetin aýyldyq ambýlatorııaǵa jáne jergilikti mektepke bardy.
