Aýyl turǵyndary Bıblıobýs jyljymaly kitaphana arqyly kitap oqý múmkindigin alady
ASTANA. KAZINFORM – Shalǵaı aýdan turǵyndary Bıblıobýs jyljymaly kitaphana arqyly kitap oqý múmkindigin alady. Bul týraly Senat depýtattarynyń saýalyna Premer-mınıstr Oljas Bektenovtiń jaýabynda aıtylǵan.
- «Respýblıkanyń jalpyǵa birdeı qoljetimdi kitaphanalaryn jańǵyrtýdyń 2025-2027 jyldarǵa arnalǵan jol kartasy» júzege asyrylyp jatyr. Onyń aıasynda halyqtyń barlyq toptaryn, ásirese shalǵaı aýdandarda turatyn turǵyndardy aqparat pen mádenı resýrstardyń qoljetimdiligin qamtamasyz etý jumystaryn Bıblıobýs jyljymaly kitaphana arqyly júzege asyrý máselesi pysyqtalyp jatyr. Óz kezeginde múddeli memlekettik organdarǵa tapsyrma berildi, - dedi Úkimet basshysy jaýabynda.
Úkimet basshysy Senat depýtattarynyń balalar ádebıetin damytýǵa arnalǵan ulttyq strategııa qabyldaý usynysyna jaýap bergen edi.
Sondaı-aq Premer-mınıstr «Qazaqstan Respýblıkasynyń Ulttyq akademııalyq kitaphanasy» bazasyndaǵy «Qazaqstan ulttyq elektrondyq kitaphanasy» aqparattyq júıesi qazaq tilindegi balalar ádebıetin tsıfrlyq formattaýdy júrgizetindigin aıtady.