Aýyl sharýashylyǵynyń jalpy ónim kólemi 3,4%-ǵa ósip, 3,6 trln teńgege jetti

ASTANA. KAZINFORM — 2025 jylǵy qańtar–tamyz qorytyndysy boıynsha Qazaqstanda agrarlyq óndiristiń turaqty ósimi baıqaldy. Aýyl sharýashylyǵynyń jalpy ónim kólemi 3,4%-ǵa artyp, 3,6 trln teńgeni qurady. B9l týraly AShM baspasóz qyzmeti málim etti. 

Ósim mal sharýashylyǵy óndirisiniń 3,2%-ǵa (2 262,3 mlrd teńge), ósimdik sharýashylyǵynyń 4%-ǵa (1 254,1 mlrd teńge) ulǵaıýy esebinen qamtamasyz etildi.

8 aıda 696,2 myń tonna et (tirideı salmaqta, +1,9%), 2 625,2 myń tonna sút (+6%) jáne 3 011,7 mln dana taýyq jumyrtqasy (+1,2%) óndirildi.

Mal basy: iri qara – 8,6 mln (+0,2%), jylqy – 4,5 mln (+6,3%), túıe – 299,8 myń (+4%), qus – 46,9 mln (+2,8%).

Aýyl sharýashylyǵy ónimderin qaıta óńdeýde de aıtarlyqtaı ósim tirkeldi: qant – +24% (99,2-den 122,8 myń tonnaǵa deıin), et konservileri – +29,7% (4,5-ten 5,8 myń tonnaǵa deıin), ósimdik maıy – +27% (468,5-ten 595,0 myń tonnaǵa deıin), shujyq ónimderi – +8,8% (47,1-den 51,2 myń tonnaǵa deıin), sary maı – +15% (21,9-dan 25,2 myń tonnaǵa deıin), qyshqyl sút ónimderi – +6,4% (161,2-den 171,5 myń tonnaǵa deıin).

Jalpy, 8 aıda tamaq ónimderi óndirisi 10,1%-ǵa (2 476,7 mlrd teńge), al sýsyndar óndirisi 7,1%-ǵa (813,1 mlrd teńge) artty.

Agroónerkásiptik keshendegi ınvestıtsııalyq belsendilik te ósip keledi. 2025 jylǵy qańtar–shilde aralyǵynda aýyl sharýashylyǵyna negizgi kapıtalǵa salynǵan ınvestıtsııalar 516,2 mlrd teńgeni qurap, 2024 jyldyń sáıkes kezeńimen salystyrǵanda 27%-ǵa artty. Tamaq ónimderi óndirisine salynǵan ınvestıtsııalar – 119,2 mlrd teńge (+42,8%).

Qazaqstannyń aýyl sharýashylyǵy oń dınamıka kórsetip otyr. Bul óndiris pen ınvestıtsııa kóleminiń ulǵaıýynan, sondaı-aq qaıta óńdelgen ónim óndirisiniń artýynan aıqyn kórinedi. Munyń bári eldiń azyq-túlik qaýipsizdigin nyǵaıtýǵa jáne eksporttyq áleýetin keńeıtýge alǵysharttar jasaıdy.

Buǵan deıin habarlanǵandaı, mal azyǵyna erte qamdanǵan óńir belgili boldy.