Aýyl sharýashylyǵynda drondardan alynǵan derekterdi tsıfrlyq júıege biriktirmek
Aýyl sharýashylyǵy mınıstrliginiń jáne Birikken Ulttar Uıymynyń Azyq-túlik jáne aýyl sharýashylyǵy uıymynyń (FAO) ókilderi onlaın kezdesý arqyly agroónerkásiptik keshendi tsıfrlandyrý salasynda yntymaqtastyqty kúsheıtýdiń basym baǵyttaryn talqylady.
Onda aýyl sharýashylyǵy salasyndaǵy úderisterdi zamanaýı quraldar arqyly monıtorıngteý, sondaı-aq ushqyshsyz ushý apparattary kómegimen alynatyn derekterdi tsıfrlyq platformalar men aqparattyq júıelerge biriktirý máselelerine erekshe nazar aýdaryldy.
Taraptar derekterdi avtomatty túrde jınaý, óńdeý, júıeleý jáne kórneki túrde usynýǵa múmkindik beretin tsıfrlyq sheshimderdi qoldaný joldaryn qarastyrdy. Mundaı tehnologııalar aýyl sharýashylyǵy alqaptarynyń jaı-kúıi týraly aqparatty jedel alýǵa, derekterdi taldaý múmkindikterin keńeıtýge jáne boljam jasaý sapasyn arttyrýǵa jol ashady.
Sondaı-aq kezdesýde tsıfrlyq quraldardy odan ári jetildirý jáne olardyń agroónerkásiptik keshende qoldanystaǵy aqparattyq júıelermen tıimdi ózara yqpaldastyǵyn qamtamasyz etý máselelerine kóńil bólindi.
Taraptar tsıfrlyq tehnologııalardyń aýyl sharýashylyǵy salasyndaǵy memlekettik monıtorıng pen basqarýdyń tıimdiligin arttyrýǵa aıtarlyqtaı yqpal etetinin atap ótti. Osy rette zamanaýı sheshimderdi engizý, tsıfrlyq ınfraqurylymdy damytý jáne agrarlyq sektorda ınnovatsııalyq tehnologııalardy qoldaný tájirıbesimen almasý baǵytyndaǵy birlesken jumysty jalǵastyrýdyń mańyzdylyǵy aıtyldy.
QR Aýyl sharýashylyǵy mınıstrligi men FAO arasyndaǵy yntymaqtastyq tsıfrlyq quraldardy odan ári jetildirýge, derekterdiń sapasy men qoljetimdiligin arttyrýǵa, sondaı-aq agroónerkásiptik keshende tıimdi ári ýaqtyly sheshimder qabyldaýǵa qajetti jaǵdaılar jasaýǵa baǵyttalǵan.
Aıta keteıik, qazir shegirtkemen kúreske avıatsııa men drondar qoldanylyp jatyr.
