Aýyl sharýashylyǵy jerleriniń kartasyn tsıfrlandyrý 2024 jyly aıaqtalady
ASTANA. KAZINFORM - Aýyl sharýashylyǵy jerleriniń kartasyn tsıfrlandyrý 2024 jyly aıaqtalady. Bul týraly QR Aýyl sharýashylyǵy mınıstrliginiń keńeıtilgen alqa otyrysynda vıtse-mınıstr Baǵlan Bekbaýov aıtty.
2023 jyly jyljymaıtyn múliktiń biryńǵaı memlekettik kadastryn engizýge baılanysty jer zańnamasy ózgerdi. Osyǵan qaramastan, QR AShM aýyl sharýashylyǵy jerleri boıynsha suraqtardy ózinde qaldyryp, Memlekettik jer kadastrynyń avtomattandyrylǵan aqparattyq júıesin damytýdy qolǵa aldy.
Aǵymdaǵy jyly "Aýyl sharýashylyǵy aerofotogeodezııalyq izdestirý memlekettik ınstıtýty" (AShAІMI) kómegimen aýyl sharýashylyǵy kartasyn tsıfrlandyrý boıynsha josparlanǵan Memlekettik jer kadastrynyń avtomattandyrylǵan aqparattyq júıesin (MJK AAJ) jańa platformaǵa kóshirý jumystary aıaqtalady.
Búgingi tańda 205,4 mln gektar aýylsharýashylyǵy jerleriniń 140 mln gektarynan astamy tsıfrlandyryldy. Birinshi tsıfrlyq aýyl sharýashylyǵy kartasy osy jerlerdi qaıta bólýdi odan ári monıtorıngteý, tsıfrlyq jer balansyn júrgizý, sýbsıdııalaý jáne aýyl sharýashylyǵy jerlerimen baılanysty basqa da is-qımyldar úshin fýnktsııalar men qyzmetterdi avtomattandyrý boıynsha negiz bolady.
Budan basqa, jańa Memlekettik jer kadastrynyń bazasynda qaǵaz arqyly (AShAІMI, AGROHIM, gıdromelıoratıvtik qyzmetter, jer ınspektorlarynyń jeke kabınetteri, topyraq-geobotanıkalyq zertteýler) júzege asyrylǵan jer qatynastary salasyndaǵy jańa "tsıfrlyq" formattaǵy fýnktsııalardy jetildirý boıynsha jumystar bastaldy.
2024 jyldyń naýryzyna tsıfrlyq jer balansy boıynsha pılottyq joba josparlanǵan. Ol ákimdik qyzmetkerlerin jer balansyn qaǵazda tapsyrýdan bosatýǵa múmkindik beredi. Balans, óz kezeginde, bir túrden ekinshi túrge aýystyrylǵan jerler negizinde qalyptasady.
"Bul saýda-sattyq jáne aýktsıondar arqyly aýyl sharýashylyǵy jerlerin usyný jónindegi qyzmetterdi jańa MJK-da iske asyrýmen tolyq kólemde kórsetiletin bolady. Eger jer paıdalanýshy krıterıılerge saı kelse, aýyl sharýashylyǵy jerlerin bólý týraly sheshimdi júıe avtomatty túrde qabyldaıdy", - dep atap ótti Baǵlan Bekbaýov.
Vıtse-mınıstr memlekettik jer baqylaýyn tsıfrlandyrý jer zańnamasyn buzýdy barynsha azaıtýda mańyzdy ról atqaratynyn aıtty.
Ázirlengen jerinspectr modýli jerdi qashyqtyqtan zondtaý derekteri negizinde paıdalanylmaıtyn aýyl sharýashylyǵy jerlerin anyqtaý boıynsha jumysty jeńildetedi. Bul platforma jer resýrstaryn basqarý jónindegi jańa aqparattyq júıede modýl retinde turatyn bolady.
