Aýyl sharýashylyǵy jerleri elektrondy formatta bólinedi
ASTANA. KAZINFORM – Qazaqstanda aýyl sharýashylyǵy jerlerin bólýdiń jańa elektrondyq formaty engiziledi. Bul týraly QR aýyl sharýashylyǵy vıtse-mınıstri Azat Sultanov aıtty.aýyl sh
Onyń aıtýynsha, jańa jyldan bastap jer ýchaskelerin berý elektrondyq formatqa kóshiriledi. Bul úshin biryńǵaı jer kartasy jumys isteıdi. Onyń kómegimen áleýetti jer paıdalanýshylar bos ýchaskelerdi naqty ýaqyt rejıminde kórip, ótinimdi onlaın bere alady.
– 1 qańtardan bastap jer berýdiń elektrondyq formatyna kóshemiz. Jer kartasy jumys isteıtin bolady, ıaǵnı áleýetti jer paıdalanýshy naqty ýaqyt rejıminde qandaı jer ýchaskeleri bos ekenin jáne qaıta bólýge daıyndalyp jatqanyn kóre alady. Sáıkesinshe, ol elektrondy formatta qatysa alady. Jer komıssııasy alynyp tastalady. Osylaısha, eń aldymen ashyqtyq qamtamasyz etiledi, ekinshiden, adam faktory joıylady, úshinshiden, yqtımal sybaılas jemqorlyq kórinisterine jol berilmeıdi, – dedi Azat Sultanov.
Ol jańa júıe arqyly jer bólý protsesi tolyq onlaın rejımge kóshetinin jáne árbir kezeńniń oryndalý merzimi kórsetiletinin aıtty. Sonymen qatar biryńǵaı jer kartasy arqyly bir óńirdegi azamat basqa oblystaǵy jer ýchaskesine de ótinish bere alady dep atap ótti.
Aıta keteıik, Almatyda ártúrli maqsatta 40-tan astam jer ýchaskesi satyp alynady.
