Aýyl sharýashylyǵy jármeńkelerinde myń tonnadan astam ónim satyldy
ASTANA. KAZINFORM — Elordada 19 qyrkúıekte bastalǵan dástúrli aýyl sharýashylyǵy jármeńkeleriniń maýsymy ótip jatyr. Oǵan elimizdiń óńirlerinen kelgen sharýalar óz ónimderin usyndy. Bul týraly Astana qalasynyń ákimdigi málim etti.
Ákimdiktiń málimetinshe, maýsym bastalǵaly jármeńkelerge Atyraý, Qyzylorda, Abaı, Mańǵystaý, Almaty, Shyǵys Qazaqstan jáne Aqtóbe oblystarynyń ókilderi qatysqan.
Osy ýaqyt ishinde jármeńkelerge shamamen 150 myń adam keldi. Myń tonnadan astam aýyl sharýashylyǵy jáne azyq-túlik ónimi, onyń ishinde et, sút ónimderi jáne basqa da azyq-túlik taýarlary satyldy.
Aıta keteıik, osy demalys kúnderi elordada Shyǵys Qazaqstan jáne Aqtóbe oblystarynyń sharýalary óz ónimderin usynady.
