Aýyl sharýashylyǵy jalpy óniminiń kólemi 1,9 ese ósti
ASTANA. KAZINFORM – 2019-2026 jyldary aýyl sharýashylyǵynyń jalpy óniminiń kólemi 1,9 esege, ıaǵnı 5,2 trln teńgeden 9,8 trln teńgege deıin artqan.
Aýyl sharýashylyǵy mınıstrliginiń baspasóz qyzmeti taratqan málimetterine qaraǵanda, agrosektordyń negizgi baǵyttary boıynsha – egin sharýashylyǵy men mal sharýashylyǵynan bastap, tamaq ónerkásibi men syrtqy saýdaǵa deıin oń dınamıka baıqalady.
Elimizdiń agroónerkásip kesheni turaqty ósip, aýyl sharýashylyǵy ónimderin óndirý kólemi ulǵaıyp, qaıta óńdeý damyp, eksport keńeıip, ınvestıtsııalar men eńbek ónimdiligi ósý ústinde.
-Memleket basshysynyń aýyl sharýashylyǵy jalpy óniminiń kólemin eki ese arttyrý týraly tapsyrmasy aıasynda Úkimet qarjylandyrý jáne memlekettik qoldaý tetikterin jetildirý, óndiristik qýattardy jańǵyrtý jáne zamanaýı agrotehnologııalardy engizý boıynsha keshendi sharalar qabyldap jatyr, -delingen habarlamada.
Aıta keteıik, Úkimet basshysy osyǵan deıin aýyl sharýashylyǵynda biryńǵaı tsıfrlyq ekojúıeni ázirleýdi tapsyrǵan bolatyn.
