Aýyl sharýashylyǵy sanaǵyna qatyspaýǵa bola ma

ASTANA. KAZINFORM — Ulttyq sanaqtan bas tartqan jaǵdaıda ne bolady? Bul saýalǵa Ulttyq statıstıka bıýrosy departament dırektorynyń orynbasary Nurjan Sársenbaev jaýap berdi.

— Bas tartqan jaǵdaıda, aqparattyq túsindirý jumysyn kúsheıtemiz. Bizde aýyl sharýashylyǵy sanaǵynyń personaly bar, olar jergilikti jerde bas tartqan adamdarmen jumys isteıdi. Eń basty quralymyz halyqty qulaqtandyrý, aqparattandyrý jáne mańyzyn túsindirý. Bul baǵytta bekitilgen jumys jospar bar, soǵan sáıkes, jumys istep jatyrmyz, — dedi Nurjan Sársenbaev ortalyq kommýnıkatsııalar qyzmeti alańynda ótken baspasóz máslıhatynda.

Spıker ulttyq sanaqqa qatysý azamattyq paryz dep sanaıdy jáne sanaq aýyl sharýashylyǵy salasy úshin mańyzdy. 

Buǵan deıin ınterneti joq eldi mekendegiler onlaın aýyl sharýashylyǵy sanaǵyna qalaı qatysady degen saýalǵa jaýap izdegen edik. 

Eske salaıyq, erteń elimizde aýyl sharýashylyǵy sanaǵy bastalady.