Aýyl sharýashylyǵy sanaǵynyń derekteri salyq organdaryna berilmeıdi — Statbıýro

ASTANA. KAZINFORM — Bıyl elimizde ótetin Ulttyq aýyl sharýashylyǵy sanaǵy kezinde alynǵan málimetterdiń qupııalylyǵy saqtalady. Bul týraly QR Ulttyq statıstıka bıýrosynyń basshysy Maqsat Turlybaev aıtty.

— Ulttyq statıstıka bıýrosy alynǵan derekterdiń anonımdiligine jáne olardy qatań statıstıkalyq maqsattarda paıdalanýǵa kepildik beretinin atap ótkim keledi. Sandar respondenttiń bastapqy derekterin kórsetpeı-aq, jıyntyq túrde óńdeledi jáne jarııalanady. Derekter salyq nemese basqa memlekettik organdarǵa berilmeıdi, — dedi ol OKQ alańynda.

Sondaı-aq spıker sharýa qojalyqtary derekter bazasynda óz ıeligindegi múlik týraly derekti jańartýǵa múmkindik baryn atap ótti. 

— Saýalnama paraǵyn toltyrý kezinde respondent (uıymdasqan sharýashylyq) memlekettik derekter bazasynda derekterdi jańartý úshin alynǵan derekterdi usynýǵa kelisim bere alady, mysaly, maldyń, tehnıkanyń, jer ýchaskesiniń bolýy jáne t. b. Týraly, — dedi Ulttyq statıstıka bıýrosynyń basshysy.

Eske salsaq, bıyl elimizde araǵa 18 jyl salyp aýyl sharýashylyǵy sanaǵy ótedi.

Buǵan deıin sanaq kezinde derek berýden bas tartqandarǵa qandaı jaza baryn jazǵan edik.