Aýyl sharýashylyǵy sanaǵyn ótkizýge 3,7 mlrd teńge qarjy jumsalady

ASTANA. KAZINFORM — Ulttyq aýyl sharýashylyǵy sanaǵyn ótkizýge 3,7 mlrd teńge somasynda qarjy bólindi. Bul týraly QR Ulttyq statıstıka bıýrosynyń basshysy Maqsat Turlybaev aıtty.

— Bólingen bıýdjet máselesine kelsek, sanaq jumysy respýblıkalyq bıýdjetten 2025 jylǵa 3,7 mlrd. teńge somasynda qarjylandyrylady. Bir respondenttiń quny 3,2$. Shyǵyndardyń negizgi bóligi tehnıkalyq qoldaý men eńbekaqyǵa baılanysty, — dedi ol OKQ alańynda.

Sondaı-aq spıker sanaqqa qansha ıntervıýer tartylatynyn atap ótti. 

— Sanaq júrgizý úshin biz jumyssyz azamattar men stýdentter qatarynan, sondaı-aq konkýrstyq irikteýden jáne arnaıy oqytýdan ótken barlyq nıet bildirgen azamat sanatynan 3700-den astam adamdy ıntervıýer retinde jumysqa tartýdy josparlap otyrmyz, — dedi Maqsat Turlybaev.

Eske salsaq, buǵan deıin Bıýro sanaqty ótkizýge 5,2 mlrd teńge bólingeni týraly málimet bergen bolatyn.

Buǵan deıin sanaq kezinde derek berýden bas tartqandarǵa qandaı jaza baryn jazǵan edik.