Aýyl sharýashylyǵy ónimderin tereń óńdeýge basa mán bergen jón – Prezıdent
ASTANA. KAZINFORM – Zamanaýı tásilderdi mal sharýashylyǵynda jan-jaqty paıdalaný kerek. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart Toqaev málim etti.
— Budan bólek, aýyl sharýashylyǵy ónimderin tereń óńdeý isin damytýǵa basa mán bergen jón. Qazirdiń ózinde bul baǵytta tabysty jobalar bar. Máselen, Qyzylorda oblysynyń sharýalary qatań klımatqa qaramastan júgeri men soıa ósirip, ony óńdeýmen aınalysady. Al Túrkistan oblysynda qytaı kompanııasy sýdy tıimdi paıdalanatyn zamanaýı maqta-toqyma klasterin quryp jatyr. Úkimet osyndaı ozyq tájirıbelerdiń el aýmaǵynda keń taraýyna jaǵdaı jasap, ınvestorlarǵa ýaqtyly qoldaý kórsetýi kerek, — dedi Qasym-Jomart Toqaev.
Sonymen qatar Prezıdent mundaı zamanaýı tásilderdi mal sharýashylyǵynda da jan-jaqty paıdalanǵan durys ekenin atap ótti.
— Búginde Soltústik Qazaqstan oblysynyń tájirıbesin basshylyqqa ala otyryp, elimizde 71 taýar-sút fermasy iske qosyldy. Bul fermalarda jyl saıyn 462 myń tonnadan astam sút óndiriledi.
Aqmola oblysynda sheteldiń ozyq tájirıbesine saı et klasteri qurylyp jatyr. Osyndaı jobalardy qoldaýǵa bolady, qajetti jaǵdaıda qarajat ta bólý kerek, — dedi Memleket basshysy.
Buǵan deıin Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatqanyn jazǵan edik.