Aýyl sharýashylyǵy ónimderiniń kólemi 9,6 paıyzǵa artqan: Pavlodar oblysynyń ákimi Prezıdentke esep berdi
ASTANA. KAZINFORM - Memleket basshysy Pavlodar oblysynyń ákimi Asaıyn Baıhanovty qabyldady, dep habarlaıdy Aqordanyń baspasóz qyzmeti.
Baspasóz qyzmetiniń málimetterine qaraǵanda, Prezıdentke óńirdiń byltyrǵy jáne 2026 jyldyń birinshi toqsanyndaǵy áleýmettik-ekonomıkalyq damýy jaıynda málimet berildi.
Asaıyn Baıhanov:
ótken jyldyń qorytyndysyna sáıkes, Pavlodar oblysynda barlyq negizgi kórsetkishter boıynsha oń dınamıka baıqalatyny jóninde baıandady.
óńir ekonomıkasyna shamamen 1,3 trıllıon teńge ınvestıtsııa tartylyp, ósim 47 paıyzdy quraǵanyn aıtty.
Investıtsııa tartý jóninen oblys respýblıkadaǵy kóshbasshylardyń biri sanalady.
Byltyr ónerkásip óndirisiniń kólemi 4,1 trıllıon teńgege jetti. Elimizde óndiriletin kómir men ferroqorytpanyń 58 paıyzy, elektr qýatynyń 42 paıyzy Pavlodar oblysyna tıesili.
Aýyl sharýashylyǵy ónimderiniń jalpy kólemi 9,6 paıyzǵa artyp, 571,4 mıllıard teńgege jetti. Ylǵal únemdeý tehnologııasyn qoldaný boıynsha Pavlodar oblysy óńirler arasynda aldyńǵy qatardan kórinip, sharýalar kartop, kúnbaǵys jáne qaraqumyqty mol jınady.
áleýmettik mindettemelerdiń oryndalý barysy týraly aqparat berdi.
Óńirde 30 myńnan astam jańa jumys orny ashylyp, qalalarda 2 mektep jáne aýyldarda 3 mektep, sondaı-aq 30 densaýlyq saqtaý nysany boı kóterdi. Bıyl taǵy 2 mektep salý jáne áleýmettik mańyzy bar 5 iri jobany júzege asyrý josparlanǵan.
byltyr aýyldardyń barlyǵy taza aýyz sýǵa qol jetkizgenin málimdedi.
Óńirdiń úsh qalasyndaǵy qoǵamdyq kólik parki tolyq jańartyldy.
Jaqsy jaǵdaıdaǵy avtokólik joldarynyń úlesi 96 paıyzǵa kóbeıip, 621 shaqyrym avtokólik joly jáne aýyl ishindegi kósheler jóndeldi. Bıyl óńirdegi perspektıvti aýyldardyń kireberis joldaryn asfalttaý jumystaryn aıaqtaý josparlanyp otyr.
Ertis ózeni arqyly ótetin jańa kópir salý, áýejaıdyń ushý-qoný jolaǵyn jáne «Shahter» saıabaǵyn jańǵyrtý, tramvaı parkin jańartý, úshinshi GRES salý jáne «Derekterdi óńdeý ortalyqtarynyń alqaby» jobasyn júzege asyrý jónindegi Prezıdent tapsyrmalarynyń oryndalýy jaıynda esep berdi.
Prezıdent Ekibastuz qalasynyń áýe qatynasyn damytýǵa erekshe nazar aýdaryp, oblys ákimine shaharda jańa áýejaı ashý máselesin jan-jaqty pysyqtaýdy tapsyrdy.
Bul jobany iske asyrý óńirdiń kólik-tranzıt áleýeti men ınvestıtsııalyq tartymdylyǵyn arttyra túsedi. Sonymen qatar óńirdiń áleýmettik-ekonomıkalyq turǵydan odan ári damýyna tyń serpin beredi.
Memleket basshysy ınvestıtsııa tartý, áleýmettik ınfraqurylymdy damytý jáne ınjenerlik-kommýnaldyq keshendi jańǵyrtý jumystaryn jalǵastyrý jóninde mindet júktedi.
Aıta keteıik, osyǵan deıin Qasym-Jomart Toqaev Qazaqstan Respýblıkasynyń memlekettik nagradalarymen marapattaý týraly Jarlyqqa qol qoıdy.
