Aýyl sharýashylyǵy óndirýshilerine beriletin sýbsıdııa kólemi ósti
Ózekti máselelerdiń biri - agroónerkásiptik keshen sýbektileriniń aýyl sharýashylyǵy tehnıkasyn satyp alýǵa jumsaǵan shyǵystaryn óteý. Sebebi, bul shyǵyndardy sýbsıdııalaý úshin qun lımıtteri ınflıatsııaǵa jáne Qazaqstan naryǵyna jetkiziletin aýyl sharýashylyǵy tehnıkasy baǵasynyń aıtarlyqtaı ósýine qaramastan birneshe jyl boıy qaıta qaralmaǵan, dep habarlaıdy Kazinform.
Osyǵan baılanysty, Bas prokýratýranyń bastamasymen ýákiletti organ sýbsıdııalardy esepteý úshin shekti jol beriletin qundy jáne naryqtaǵy qoldanystaǵy baǵalarǵa baılanysty normatıvterdi naqtylady.
«Mysaly, dońǵalaqty traktorlardyń eń joǵary quny qozǵaltqyshtyń qýatyna baılanysty 7-den 204 mln teńgege deıin (buryn 4-ten 105 mln teńgege deıin bolǵan) eki esege ulǵaıtyldy.
«Aýyl sharýashylyǵy tehnıkasyn, mashınalary men jabdyqtaryn satyp alý» jobasynyń pasporty boıynsha qundyq lımıtter aýyl sharýashylyǵy tehnıkasynyń 35 pozıtsııasy boıynsha jańartyldy.
«Basymdy aýyl sharýashylyǵy mashınalary men jabdyqtaryn satyp alý» pasportyna tehnıkanyń 23 túri qosyldy (traktor tirkemeleri, sepkishter, egis keshenderi, shóp shabatyn mashınalar, búrikkishter jáne t. b.).
Qant qyzylshasyn óndirý tehnıkasy boıynsha qant salasyn damytý baǵdarlamasy sheńberindegi normatıv ruqsat etilgen quny 160 mln teńgemen (buryn 80 mln teńgeni quraǵan) 25%-dan 50%-ǵa deıin ulǵaıtyldy.
Engizilgen ózgerister fermerlerdiń óndiristerdi jáne mashına-traktor parkin jańartýǵa qoljetimdiligin edáýir arttyrady», — dep jazdy Bas prokýratýradan.
Atalǵan jáne basqa da ınnovatsııalar aǵymdaǵy jylǵy 10 jeltoqsanda kúshine enedi.
Olardy qoldaný máseleleri boıynsha ýákiletti organ — Aýyl sharýashylyǵy mınıstrligine, al bıznes sýbektileriniń quqyqtary buzylǵan jaǵdaıda — prokýratýra organdarynyń bıznesti jáne ınvestorlardy qorǵaý jónindegi Call-ortalyqtaryna (telefon nómirleri prokýratýra saıttarynda kórsetilgen) júginý qajet.
